[Invalid image]
現今科技發達，每個人每日都一定會接觸到。 無論係你手上嘅智能電話，影相會用嘅修圖app，或者你每日上嘅Facebook, Instagram，都係科技一部分; 但偏偏科技兩個字都重係好嚇人…點解？以下嘅想法，你中左幾多個？
- 我讀文科，計數好差!
好多人都覺得，讀理科先會識coding，識IT嘅人數學一定好好。其實而家好多常用嘅科技，唔一定要識coding先識做到，甚至你日常生活就已經有用過！Excel就係一個好好嘅例子。 除左我地常用嘅記帳同圖表功能，其實Excel重係處理大數據嘅好工具。 只要識用，你都可以做到數據分析，重可以將數據形象化。當中並唔需要任何programming。除左Excel, Microsoft其實重推出左一個叫Power BI 嘅免費工具，同樣唔需要任何coding背景，就可以做到專業嘅Dashboard,將你所有嘅數據同圖表整合，一目了然。 所以，身為文科生嘅你，同樣可以擁抱科技。
- 我份工都唔關IT事，學黎做咩？
份工唔需要關IT事先需要識嘅。打工又好，做生意又好，識coding同數據分析，都可以令你事半功倍。好似頭先介紹嘅Power BI，可以整合所有數據成為一個中央化嘅Dashboard，所有相關數據同資料都可以一眼睇曬；Power BI 重可以連接大部分常用嘅數據收集工具，包括Google Analytics, Excel, 甚至你嘅網站同database，自動更新數據。 換言之，只要你學識點用，你就可以擁有一個綜合而且自動更新嘅平台，唔洗再開十幾個tab逐個對，亦唔洗怕唔記得更新資料。打工仔黎講，想像下你可以present到一個咁完整嘅Dashboard,分分鐘贏人九條街，下個升職可能就係你…掛？ - 我做creative, coding有programmer做，唔洗學啦
而今website, social media campaign 成為marketing主流需求；亦因此越來越多digital agency，UX/UI designer 需求亦越來越大。而你，graphic design出身，加入UX/UI designer嘅機率亦越來越高。 你可能會認為，整得靚就可以啦，技術問題有programmer搞。但係諗深一層：如果你辛苦做左出來，但最後programmer話做唔到，又要改過，你又唔明點解…其實重費時失事。 當然，學programming對你搵工都有好大幫助。 好多desinger都整靚個portfolio，但好多時候除了PDF還是PDF。當然，而家都越來越多人利用免費設計website嘅網上工具建立自己嘅portfolio，但係呢類open source嘅工具，限制會比較多，你未必可以將你嘅個人網站設計成你想要嘅效果。學識coding,你就可以將你嘅creativity 100%係網上還原，就好似呢個CV 咁，咁你就可以係眾多designer中突圍而出啦!
[Invalid image]
其實UX Designer 唔單止係一般嘅 Graphic Designer, 當中涉及好多關於User Experience（用戶體驗）嘅考量，但我地下一個blog再討論。
- 學coding要時間浸，我要返工，重邊有時間pick up?
當你的起心肝學，又發覺冇時間練習… 學左都即刻比返曬老師。呢個我地又幫到你啵。除左課堂上嘅講解，我地嘅instructors 重會分享額外嘅project題目同有用資訊，等你可以有更多機會練習。 而part-time課程亦維持係放工時間嘅2小時，等你可以有足夠時間去上堂，而唔會佔用太多時間。想知更多可以click呢度了解更多。
[Invalid image]
學任何野都需要時間，但唔學有時浪費嘅時間更多…
